Mbrëmjen e djeshme u lexua zarfi i zi, ku në përmbajtje kishte dënimin e tre banorëve: Luizit, Armaldos dhe Kristit.
Shkak u bë fikja e mikrofonave dhe hyrja e tyre në tualet për disa sekonda.
Gjatë prime-t Luizi pranoi se e gjitha ishte e llogaritur nga ai duke e konsideruar si një hakmarrje ndaj Armaldos dhe Kristit.
Mirëpo opinionistja Zhaklin Lekatari dhe një pjesë e banorëve kishin mendim ndryshe nga Luizi, duke u shprehur se nuk qe e llogaritur nga ai por ishte diçka e rastësishme në të cilën ai donte të merte meritat dhe të dukej si strateg.
Luizi nga ana tjetër shtoi se e njëjta situatë ka ndodhur dhe në “Big Brother Kanada” nga Kevin Jacobs.
Me t’a zbuluar këtë, shumë fansa të Luizit i kanë komentuar në profil kanadezit se si Luizi po frymëzohet nga ai.
Nisur nga komentet e ndjekësve, Kevin u pa mjaft i habitur aq sa bëri një reagim publik duke falenderuar fansat e Luizit për komentet e shumta dhe duke e konsideruar këtë të fundit si një gjeni.
Mirëpo brenda pak orësh pas reagimit të kanadezit, diçka e papritur ka ndodhur në rrjetin e tij social, Instagram.
Kevin ka fituar plot 10 mijë ndjekës. Ai kishte 10 mijë të tillë ndërsa tani ka shkuar në 22 mijë ndjekës.
