Pak ditë më parë, Ledjana Prenga i habiti të gjithë kur nëpërmjet një postimi në “Instagram”, zbuloi se kishte vendosur që të largohej përfundimisht nga “Për’puthen”.
“Largimi im nga emisioni nuk ka te beje as me Mevlanin e as me faktin qe ju kam genjyer gjithe keto kohe. Jam akuzuar 2 here ne ate program per martese te rreme pa asnje prove, ndaj kjo eshte nje pabesi qe me eshte bere. Po ju them vetem dicka , kushdo qe vazhdon dhe me akuzon per burrin ne Belgjike dhe thote kam bomba per Ledjanen, betohem ne Zot se sot eshte dhe dite e shenjte se ka per ta paguar shtrenjte”, shkroi Ledjana në një postim.
Lexo edhe:
Ai që u lëndua më shumë nga ky vendim ishte Mevlani, pasi që të dy ishin deklaruar për njëri-tjetrin në emisionin e dashurisë. Madje gjatë një puntate të “Për’puthen”, ai i bëri të gjithë të dyshonin se mes tyre kishte marrë çdo gjë fund.
Por mesa duket nuk është ashtu! Pasi Ledjana ka postuar së fundmi një video ku shfaqet duke udhëtuar së bashku me Mevlanin. Një ditë më parë, dyshja është takuar me opinionistin e “Për’puthen” Arjan Konomi dhe ky i fundit ka publikuar një video të Ledjanës e Mevlanit.
“Gjatë gjithë kësaj kohe në 9 muaj në Për’puthen shumë njerëz më kanë plasur shpirtin. Ama për dy veta ka plasur dhe zemra. Do thoni ju kush janë, ja shikojini pak aman, mavria është”, shprehet Arjani në video.
Ledjana shfaqet e ulur mbi prehrin e Mevlanit, teksa e përkëdhel nga fytyra. Epo këto momente tregojnë shumë dhe Ledjana me Mevlanin duket se po jetojnë momentet më të mira aktualisht.
