Nga Manjola Ceka
Si duket nuk ka pasur vetëm nga ata që janë ndjerë të demoralizuar nga pandemia e cila ka izoluar jo vetëm njerëzit, por edhe krijimtarinë e tyre.
Megjithatë ka nga ata, krijimtaritë të cilëve kanë tejkaluar çdo pritshmëri duke sjellë një stil të ri të bodysuit me maskë, gjë që ka krijuar edhe një debat të fortë mes përdoruesve të rrjeteve sociale duke krijuar një zhurmë të madhe kudo në internet.
Gjithçka filloi me foton që një përdorues i Twitter-it postoi me 5 Gusht në profilin e tij duke nxitur një ndarje mes atyre që e pritën mirë dhe atyre që e urryen këtë bodysuit.
Kishte edhe nga ata që madje ironizuan se edhe Fashionova do ta sjellë shumë shpejt dhe ndodhi pikërisht ashtu. Fashionova nuk ka vonuar për të nxjerrë edhe ajo versionin e saj.
Sigurisht duke marrë parasysh rregullat e caktuara për përdorimin e maskave dhe të llojeve të tyre për parandalimin sa më të suksesshëm të infektimit me Covid, kjo maskë e re në bodysuit nuk është aspak ajo që ju duhet për tu mbrojtur.
