Këngëtarja Blerina Matraku ka reaguar publikisht pas publikimit në rrjetet sociale të disa videove intime, në të cilat ajo shfaqet së bashku me kompozitorin Adrian Hila.
Në një deklaratë të gjatë, Matraku kërkon fillimisht ndjesë për personat që janë prekur apo lënduar nga situata, ndërsa thekson se nuk synon të justifikojë veprimet e saj, por të marrë përgjegjësinë për to.
“Sot nuk dua të mbrohem, dua të kërkoj falje”, shprehet këngëtarja, duke iu drejtuar publikut dhe veçanërisht familjes së Klaudias dhe vajzave të saj.
Lexo edhe:
Matraku thotë se besimi që i kishte dhënë një personi në një periudhë të vështirë të jetës së saj, sipas saj, është përdorur për arsye që ende nuk i di. Ajo e cilëson publikimin dhe shpërndarjen e videove si cenim të rëndë të privatësisë së saj dhe kërkon që materialet të mos shpërndahen më.
“Sot ju lutem publikisht ‘mjaft’, mos shpërndani më”, shkruan ajo.
Në reagimin e saj, këngëtarja kërkon gjithashtu ndërhyrjen e autoriteteve shtetërore për të identifikuar personat që, sipas saj, kanë regjistruar dhe shpërndarë videot.
“Do të paguajë ai që ka regjistruar dhe shpërndarë videot”, deklaron Matraku, duke shtuar se për këtë çështje duhet të merren autoritetet kompetente dhe të përcaktohet se kush i ka regjistruar dhe shpërndarë materialet.
Matraku flet edhe për pasojat që situata, sipas saj, ka pasur tek familja dhe jeta e saj personale. Ajo thotë se ndihet e ekspozuar dhe e pambrojtur, ndërsa kërkon kohë për të marrë veten dhe për të ndjekur hapat ligjorë.
Në një pjesë tjetër të reagimit, këngëtarja i drejtohet drejtpërdrejt personit që ajo e akuzon për situatën, duke thënë se nuk do ta falë për dhimbjen që, sipas saj, u është shkaktuar asaj dhe personave të tjerë.
“Unë nuk kërcënoj njeri, do të paguajë ai që ka regjistruar dhe shpërndarë videot”, përsërit ajo, duke kërkuar që çështja të trajtohet nga organet ligjzbatuese.
Në fund të deklaratës, Blerina Matraku kërkon që materialet intime të mos vijojnë të shpërndahen dhe që rasti të ndiqet përmes rrugëve ligjore.
Ajo e mbyll reagimin duke e cilësuar situatën si tragjike dhe duke kërkuar që të respektohet privatësia e saj dhe e personave të tjerë të përfshirë.
Reagimi i plotë i Blerina Matarakut
Sot nuk dua të mbrohem, dua të kërkoj falje. I drejtohem së pari publikut, çdo individi, që është tronditur, lënduar apo ndjerë i prekur nga kjo situate. Ju kërkoj ndjesë me përulësi dhe vërtetësi. Ju lutem, për vetëm një minutë, hiqini nga mendja ato imazhe që nuk përfaqësojnë askënd por cenojnë gjithkënd, dhe shikoni përtej, një njeri, që po përballet me sfidën më të madhe e me më përgjegjësi shoqërore e jo vetëm, atë të moralit.
Nuk jam këtu për të justifikuar, jam këtu për të marrë përgjegjësinë time. Kërkoj ndjesë për besimin që dikujt i dhashë në momentet më vulnerabël të jetës sime, besim i cili mu përdor për arsye të paditura e të paidentifikuara ende.
I kërkoj ndjesë Klaudias dhe vajzave të saj, për çdo lot apo dhimbje të shkaktuar. Pavarësisht se më është dënuar në formën më çnjerëzore të mundshme privatësia ime, marr përgjegjësinë e veprimeve të mia, të cilat sikur t’i paguaja me jetë.
Jam thjesht një artiste e një profili të ulët, pa famë, çmime e suport, një grua e cila për fat të keq është përballur e vetme me sfidat e jetës e që I është dashur të buzëqesh me pretekstin që lotët në sy, ishin lot gëzimi. Sot ju lutem publikisht “mjaft”, mos shpërndani më. Gatimi kërkon përgjegjësi të cilën po e marr mbi supe dhe po e paguaj çnjerëzisht. Dhimbja kërkon respekt, mjaft ju lutem, jam njeri që më është cenuar privatësia.
Kërkoj nga autoritetet shtetërore të merren masa ligjore për secilin që ka përdhosur figurën e dikujt, të një fëmije, të një artisteje të pambrojtur. Shteti im I dashur, çështja ka marrë përmasa, dhe unë nuk jam më ajo Blerina që mund të punojë me mund 24/24. Imazhi im është përdhosur dhe unë nuk kam sy e faqe të dal përpara asnjë individi, para asnjë familjari, e para askujt. Ju lutem ndalni këtë gjë të shëmtuar, ku po godet njerëz të pafajshëm, familja ime është e gjunjëzuar dhe unë jam një njeri i kryqëzuar. Kjo gjë do të dënohet e le të ndiqet nga kompetencat ligjore. Më lini vetëm pak sa të marr veten, për të raportuar, apo proceduar. Ndjesë, situate është tragjike.
Të bësh një vajzë që mos ta shohë dot babain e saj në sy, ta bësh atë të iki nga shtëpia, e të humbë të vetmen gjë që ka mbetur në jetë, dinjitetin, ky është krim. Të kam mbivlerësuar e hiperbolizuar, por nuk ta fal, do i lash në këtë botë lotët e çdo gruaje apo vajze, o zot, lotët e çdo fëmijë, lotët e nënës sime, të Klaudinas (për të cilën thoje jam i divorcuar, lotët e vajzave të tua (ju lutem më falni sërish ju të fundit, se nuk e mbroj dot më këtë njeri). Do paguash lotët e mi që nuk ndalen, sepse ti nuk di të ndalesh, nuk ke kufij, ke kaluar çdo cak njerëzor e mbarë dimensional.
Unë nuk kam vuajtur kurrë për emër, nuk jam këngëtare e studios tënde, unë të kam paguar me gjak për çdo këngë e projekt, nuk jam pjesë e fondeve bashkiake apo të asnjë privilegji shtetëror, jam këngëtarja e papaguar dhe e pavlerësuar me çmime, më e pambrojtur, e cila e ka gjetur punën me thonj, dy-tre punë të lodhshme. Nëse njerëzit punojnë 8 orë, unë kam punuar 20 orë nëpër shërbim klienti (qofshin të nderuar) kam lënë sytë nëpër përkthime, duke kërkuar një punë të tretë rraskapitëse, për të përballuar jetën e Tiranës.
Unë nuk kërcënoj njeri, do të paguajë ai që ka regjistruar dhe shpërndarë videot. E nëse e ka bërë personi në fjalë, do të paguajë për çdo lot. Me këtë le të merren autoritetet në mënyrë që të nxjerrin në pah se kush i ka regjistruar dhe shpërndarë videot me bej nje lajm me kete qe kengetarja Blerina Matraku ka reaguar pasi shfaqet ne videot intime me kompozitorin Adrian Hila
