Mëngjesin e sotëm biznesmeni i njohur nga Kukësi, Naim Dedja u gjet i pajetë në magazinën e firmës në pronësi të tij në autostradën Tiranë-Durrës.
Nga verifikimet paraprake rezultoi se ai nuk kishte shenja dhune në trup dhe vdekja dyshohet natyrale megjithatë policia njoftoi se vijon puna për zbardhjen e plotë të rrethanave të ngjarjes.
Ndarja nga jeta në mënyrë të parakohshme e tij, në moshën 58-vjeçare ka sjellë mjaft reagime në rrjet nga miq dhe të afërm të tij. Djali i tij ka bërë një dedikim rrëqethës për të atin.
“Ah mor bab. Zot të paska dasht më shumë se unë. Të mori afër vetes, nuk je më në mesin tonë. Ama do jesh gjithmonë në zemrat tona. Të humba ty. Humba gjysmën time. Ti bab ishe shoku, miku, vllai më i mirë i imi. Erdha të thirra babë, nuk më dëgjove.
U mundova të të zgjoja nuk m’u përgjigje. S’mujta me bërë asgjë tjetër veçse të të shtrëngoja fort e të përqafoja në krahët e mi. Aty e kuptova që ti më ike e nuk do të ke më afër vetes. Bota ime ndryshoi, sytë e mi nuk qeshin, vetëm qajnë. Zemra nuk më gëzon por vetëm vajton. Bab, shpirti në xhenet ishallah”, shkruan djali i tij mes dhimbjes së madhe.
