Edicioni i katërt i BBV pritet të vijë në një format ndryshe nga tre të parët. Përflitet se ky edicion do të bëjë bashkë të gjithë ish-fituesit dhe konkurrentët më dinamikë të tre sezoneve të shkuara.
Ka qenë Aulona Musta ajo e cila në programin e saj “Natën me Aulonën” në MCN ka deklaruar se në bazë të disa burimeve të sigurta, BBV do të vijë ndryshe këtë vit.
“Unë di një lajm nga disa burime që këtë vit Big Brother 4 do të jetë një Big Brother All Stars ku do të hyjnë disa nga personazhet në të tre edicionet e tij dhe do të jenë ndër të gjithë emrat e tjerë, Luiz Ejlli, Ilir Shaqiri dhe Egla Ceno. Të tre fituesit thuhet që e kanë konfirmuar pjesëmarrjen”.
Sipas saj përflitet se edhe banorë të tjerëdo të jenë pjesë duke përmendur këtu emra si Einxhel Shkira, Monika Lubonja dhe Drini Zeqo.
