Atentati i 15 shtatorit në mes të Tiranës ku mbeti i plagosur shtetasi Preng Gjini ka si autor një Italian.
Kështu u shpreh gazetari investigativ, Artan Hoxha në emisionin “Opinion”.
Sipas Hoxhës bëhet fjalë për një vrasës me shtetësi të huaj dhe kjo është arsyeja pse policia nuk e kap dot.
Lexo edhe:
“Kanë ardhur vrasës italianë, nuk e kapin dot. Është italian ekzekutori” tha Hoxha.
Preng Gjini mbeti i plagosur nga shpërthimi i eksplozivit me telekomandë në makinën më të cilën po udhëtonte, ndërsa pista ku po hetohet është hakmarrja. Ngjarja ndodhi në zonën e Selitës në Tiranë.
Saga e mosmarrëveshje fillon me vrasjen e Kreshnik Gjinin në Belgjikë, Armando Gjini (vëllai i Preng Gjinit) në Rrëshen, Kastriot Reçi u godit me snajper, Gaspër Reçi në Romë.
Zanafilla ka qenë për prishje interesash për trafikun e lëndëve narkotike. Asnjë nga vrasjet e ndodhura në Belgjikë, Romë apo Rrëshen nuk është zbardhur. I fundit ishte Kastriot Reçi, i cili u ekzekutua ne snajper në mes të Rrëshenit në fillim të këtij viti.
