Gazetarja dhe moderatorja e njohur Alba Alishani i rikthehet ekranit pas largimit nga A2 CNN, duke hapur një kapitull të ri në karrierën e saj televizive.
Burime ekskluzive për VIP Magazine bëjnë me dije se Alishani do të drejtojë një emision të ri që do të quhet “Trialog”, i cili do të transmetohet dy herë në javë, çdo të martë dhe të mërkurë, në orën 21:00, në ekranin e Radiotelevizionit Publik Shqiptar.
Ky format i ri synon të sjellë analiza dhe diskutime të thelluara mbi politikën dhe zhvillimet më të rëndësishme të vendit.
Lexo edhe:
Në krah të moderatores do të jenë tre analistë të përhershëm: Arjon Sulo, Prec Zogaj dhe Lorenc Vangjeli, të cilët pritet të japin këndvështrime të ndryshme dhe të nxisin debate dinamike.
Rikthimi i Alba Alishanit shihet si një rikthim i fortë në ekran, pas një periudhe të suksesshme në A2 CNN, ku ajo ishte ndër figurat kryesore të gazetarisë televizive në prime time.
“Trialog” synon të bëhet një prej pikëtakimeve më të rëndësishme për teleshikuesit që ndjekin politikën dhe aktualitetin.
/Vip-Magazine.al/
