Arbana Osmani është përgjigjur pyetjes nëse do të rikthehet në televizion, duke shuar edhe dilemat për një rikthim të mundshëm në “Big Brother Vip”.
Moderatorja tha se çdo vit merr ftesa për të drejtuar reality show, por sipas saj sot nuk vendos më produksioni, por algoritmet, të cilat kanë sjellë kaos dhe e kanë larguar reality-n nga ajo çfarë ishte dikur.
Ajo u shpreh se ky fenomen ka prekur të gjitha reality show-t në botë, jo vetëm në Shqipëri, ndërsa shtoi se formati duket se është në një fazë transformimi dhe ngjan më shumë me videot lojërash sesa me televizionin klasik.
“Deloitte thotë se 53% e brezit Z tashmë preferon formatet e tregimit ‘zgjidh vetë’ kundrejt shfaqjeve lineare. Le të shohim”, përfundoi Arbana.
Deklarata e plote
“Shiko, çdo vit vijnë ftesa për të drejtuar reality show me idenë për të sjellë diçka ‘ngjitëse’ siç bë dikur. Problemi është që tani nuk vendos më ‘produksioni i famshëm’ por algoritmet. Dhe këto të fundit kanë bërë një kaos, dhe kanë bërë që reale nga reality të mbetet pak ose asgjë.
Kjo është një dukuri që ka prekur të gjitha reality në botë, jo vetëm në Shqipëri. Kurioze jam si do t’i shkojë këtë vit, do ketë rikthimet te formula fillestare. Kam përshtypjen se reality-t janë në një fazë transformese dhe më shumë do funksionojnë si videogames.
Djali im Joni po më thoshte një ditë: ‘Mami, pse nuk e bën një lojë si Roblox-i por me Big Brother-in?’ 🙂
Deloitte thotë se 53% e brezit Z tashmë preferon formatet e tregimit ‘zgjidh vetë’ kundrejt shfaqjeve lineare.
Le të shohim.”
