Prej më shumë se dy vitesh Fjoralba Ponari ka qëndruar larg ekranit, megjithatë çdo sezon të ri televiziv, emri i saj është lakuar në media për emisione të ndryshme.
Gjatë një bisede me ndjekësit, moderatorja ka zbuluar se kjo periudhë nuk ka qenë aspak e lehtë për të nga ana shëndetësore. Ajo ka treguar se ka kaluar një dyvjeçar të vështirë, çka e ka detyruar të kufizojë ndjeshëm angazhimin e saj në media.
“Nuk e kam cekur publikisht më parë, por kam kaluar një dyvjeçar shumë të vështirë në aspektin shëndetësor, gjë që më ka detyruar ta kufizoj ndjeshëm angazhimin tim në media”, ka shkruar Fjoralba, duke shtuar se një ditë do ta ndajë me publikun edhe këtë rrugëtim, kur ta ndiejë momentin e duhur.
Lexo edhe:
Megjithatë, tashmë moderatorja shprehet se gjendja e saj është përmirësuar dhe se ndihet gati për sfida të reja profesionale.
“Ende nuk kam një propozim konkret për atë ku do të doja të angazhohesha, por një gjë e di me siguri: duhet patjetër të jetë diçka me tematikë dhe impakt social”, është shprehur ajo.
Mbetet për t’u parë nëse Fjoralba Ponari do të rikthehet në ekran këtë sezon dhe cili do të jetë projekti që do ta rikthejë atë pas një shkëputjeje të gjatë.
