Dasma e Kreshnik Morinajt, djalit të biznesmenit të njohur Kadri Morinaj, dhe partneres së tij Sindi, ishte pa diskutim një nga ngjarjet më të komentuara të kësaj vere.
Ceremonia, e organizuar në Pallatin e Kongreseve, mblodhi rreth 850 të ftuar, mes tyre emra të njohur nga bota e biznesit, politikës, medias dhe artit. Organizimi luksoz, dekori i kuruar në detaje, performancat artistike dhe ndërthurja e elementëve modernë me traditat shqiptare e kthyen mbrëmjen në një event që u komentua gjerësisht edhe në rrjetet sociale.
Por duket se lumturia për çiftin nuk përfundon me ceremoninë e martesës.
Lexo edhe:
Burime të sigurta për Vip Magazine bëjnë me dije se Sindi është në pritje të ëmbël. Çifti pritet të bëhet prindër për herë të parë, duke nisur kështu një kapitull të ri në jetën e tyre.
Vip Magazine mëson se ata pritet të bëhen prindër të një djali.
Deri më tani, Kreshnik dhe Sindi nuk kanë bërë një konfirmim publik lidhur me këtë lajm, duke zgjedhur ta jetojnë këtë periudhë larg vëmendjes mediatike.
/Vip-magazine.al/
