Emisioni ‘Top Story’ ka zbardhur dëshminë e dëshmitarit që mbërriti i pari në vendngjarjen, ku Kosta Trebicka po jepte jetën.
Rreth orës 13:30 punëtorët e minierës së Gjergjevicës Azbi Biçoku dhe Skënder Feka kanë konstatuar në rrugë të shtrirë një person të gjakosur. Disa dhjetëra metër jashtë rruge ishte një fuoristradë e kuqe. Ata thirrën mirëmbajtësin e rrugës Koço Bardhi që ndodhej 100 metër më poshtë.
“Po vinin nga mali këta, ktheheshin me makinën ngarkuar, kur dolën në kodër e panë këtë poshtë, më njoftuan mua, unë njoftova. Po, unë se isha në punë rruga ura, të të njoftojmë? Thirrëm punëtorin andej poshtë” u shpreh Koco Bardhi, dëshmitar.
Lexo edhe:
“Vajta unë e pashë dhe njoftova njërin tjetrin këtej që erdhën. Si vepruat, e prekët? Jo jo, as e prekëm asgjë, vetëm se shikonim, ca do ti bënim ne” u shpreh Koco Bardhi, dëshmitar.
Brenda pak minutash në vendngjarje u grumbulluan dhjetëra persona udhëtarë të rastit. Dëshmitari Idajet Mujollari ka deklaruar se e ka gjetur Trebickën teksa po dridhej dhe i rridhte shumë gjak.
“Unë në momentin që e pashë e gjeta të shtrirë, i dilte gjak nga pas. Armën e kishte në krah të dorës afër. Nuk di unë kur e ka parë ai, unë kur e pashë nuk fliste më, vetëm ishte shtrirë. Se kuptoja ishte gjallë a jo..sishte në gjendje të fliste, as kuptonte dotë gjë” u shpreh Koco Bardhi, dëshmitar.
“Një nga dëshmitarët që pyeta mëngjesin e së nesërmes thoshte që donte të shqiptonte dicka, të thoshte diçka por nxirrte flluska dhe gjak nga goja” u shpreh gazetari, Ferdinand Dervishi.
