“Pritet të bjerë dëborë”, si pritet të jetë moti javën e festave

Fillimi i muajit dhjetor ka shënuar një ulje të temperaturave, por si priten të jenë ato në ditët e fundit të këtij viti?

Anira Gjoni nga Instituti i Gjeoshkencave tha per Report tv se të enjten dhe të premten do të kemi një rritje të temperaturave me dy gradë.

Përgjatë fundjavës temperaturat parashikohen të jenë:

Lexo edhe:

Mot i qëndrueshëm në të gjithë vendin, ja parashikimi për ditën e martë

Merrni masat, ja çfarë pritet të ndodh me temperaturat ditën e nesërme

Temperatura deri në -3 gradë Celsius, parashikimi i MOTIT për sot! (Ja zonat më të ftohta)

Parashikimi i motit, 13 dhjetor 2025! Si do të luhaten temperaturat

Në zonat bregdetare 10/16 gradë Celcius;

Në zonat ulëta 6/14 gradë Celcius;

Në zonat malore 1/9 gradë Celcius;

Më tej Gjoni shtoi se në disa pjesë të vendit do të kemi edhe reshje shiu me intensitet të dobët

“Sot dhe nesër të kemi reshje të dobëta shiu në qarqet Shkodër, Kukës dhe Lezhë. Lokalisht të dobëta do të jenë në Dibër, Durrës, Tiranë dhe Vlorë. Në pjesën tjetër nuk do të kemi reshje shiu”, shtoi Gjoni.

Sa i përket javës së ardhshme dhe ditëve të para të janarit 2026, Gjoni theksoi se do të kemi sërish temperatura të ulëta, teksa në lindje dhe juglindje të vendit priten reshje dëbore.