Vajza e poetit të njohur shqiptar, Lasgush Poradeci, Maria, ka reaguar ashpër ndaj institucioneve të drejtësisë, duke denoncuar atë që e quan “32 vite vuajtje, gjyqe dhe korrupsion” për një pronë familjare në zemër të qytetit, Pogradecit.
Sipas saj bëhet fjalë për një pjesë toke në lulishten ‘1 Maji’ 3 metra një lokali. Ajo thekson se kjo pjesë e pronës që i përket asaj sipas dokumenteve që zotëron që nga koha e Zogut përdoret si kopsht për subjektin e mësipërm.
Vajza e poetit shton më tej se, ndonëse vendimet gjyqësore janë të formës së prerë, autoritetet shtetërore nuk i kanë zbatuar.
Lexo edhe:
Vlen për t’u theksuar se ky postim i saj vjen duke marrë shkas nga ngjarja e rëndë, ku gjyqtari Astrit Kalaja u vra në sallën e gjyqit, ku kishte pikërisht një seancë gjyqësore, lidhur me pronësinë.
“Për një copë tokë për të ndërtuar “1 Maji” në Pogradec, që ndodhet 3 metra larg lokalit (është kopsht për lokalin), me dokumente të kohës së Zogut, me fitim gjyqi në 3 shkallë për të drejtën e parablerjes së pistës së vallëzimit që është në këtë tokë, me fitim gjyqi në 3 shkallë për kontratë të pavlefshme…
Kam 32 vjet gjyqe, zyrave dhe nuk e gjej dot drejtën sepse paraja i ka bërë bllok. Unë, gjyqeve, AI “pronarit” të lokalit vazhdoj biznesin dhe me paret që fitoj mbi pronën time paguaj çdo shtetar. Korrupsioni i shtetit vazhdon… Tridhjetedy vite —- një jetë. Si duhet të sillem unë?!“, shkruan ajo në Facebook.
