Edicioni i ri i emisionit “Goca dhe gra” duket se do të vijë me risi sa i takon emrave që do të ulen në panelin që do të trajtojnë tema nga më të ndryshmet. Vip Magazine ka mësuar ekskluzivisht tre emra që po përfliten se do të jenë pjesë e këtij programi në karrigen e moderatores. Ato janë Sherina Spahiu, Anila Basha dhe Ema Andrea.
Pa dyshim surprizë mes këtyre emrave është influencerja e njohur, Sherina Spahiu e cila numëron mijëra ndjekës në rrjetet sociale ku ndan vazhdimisht momente nga përditshmëria me familjen e saj të vogël ku zemra e të gjithëve i ka marrë vogëlushja e saj 3-vjeçare, Bliss. Sherina është edhe motra e moderatores Jona Spahiu, e cila prej vitesh po qëndron larg ekranit duke u fokusuar te biznesi i saj në fushën e eventeve dhe profili si influencer.
Nga ana tjetër, një emër i spikatur që përflitet këtë edicion është gazetarja Anila Basha që ka qenë shpesh herë në qendër të lajmeve rozë, sa herë afrohet sezoni i ri i këtij programi si një emër i mundshëm për të qenë në panelin e vajzave dhe grave moderatore.
Lexo edhe:
Ema Andrea, aktorja e mirënjohur duket se është po ashtu një emër shumë i dashur nga publiku për të qenë në këtë program televiziv, si një grua e fortë që ka zgjedhur gjithmonë të flasë në mënyrë të drejtpërdrejtë. Ajo ka qenë disa herë pjesë e këtij emisioni si e ftuar, ku deklaratat e saj janë pritur gjithmonë me kërshëri nga publiku. Ndalur te edicionet e kaluara, nuk dihet nëse këtë sezon “Goca dhe gra” do të vijë tërësisht me emra të tij, apo ndonjëra nga moderatoret e vitit të shkuar do të ngulë fort rrënjët për të qenë akoma më afër publikut.
Kujtojmë se Einxhel Shkira ndodhet në shtëpi me vogëlushin e saj Kres i cili ka vetëm pak muaj që ka ardhur në jetë. Egla Ceno është e fokusuar në karrierën si aktore, po ashtu edhe Rudina Dembacaj që bashkë me skenën, ndjek paralelisht edhe sukseset e zgjerimit të biznesit të saj. Një emër që ishte pjesë e panelit “Goca dhe gra” në edicionet e shkuara ishte edhe psikologia Jorida Rustemi e cila disa javë më parë kaloi një dhimbje të rëndë, nga ndarja e parakohshme nga jeta e bashkëshortit të saj. Për të përmendur edhe Loredanën dhe Gertën, dy ish-banoret e Big Brother Vip Albania, apo edhe Kleoniki Delijorgjin, që ende nuk dihet nëse janë mpleksur siç duhet me këtë format, apo këtë vit do të kenë një dritare të re për t’ u shfaqur.
