Gazetari dhe publicisti Artur Zheji do të përcillet për në banesën e fundit të hënën (25 gusht). E diela ka vetëm ceremoni private, me familjen që do presë të afërmit dhe miqtë e ngushtë, ndërsa të hënën paradite, do të zhvillohen homazhe pranë Akademisë së Arteve, duke filluar nga ora 10:00-12:00. Aty ku Zheji studioj dhe u diplomua për regjisurë dhe do ta përshëndesin miqtë, kolegët, bashkëpunëtorët dhe ndjekësit e tij, për t’u përcjellë në fund në Varrezat e Tufinës.
Pas homazheve dhe ceremonisë mortore, familja ka vendosur që të ketë tre ditë pritje në Hotel Rogner. Nga e hënë deri të mërkurën familja pret ngushëllime për humbjen e njeriut të tyre të dashur.
Zheji ndërroi jetë pasditen e së shtunës në Sarandë, teksa ishte duke drekuar me familjarët e tij. Publicisti pësoi atak kardiak dhe u dërgua me urgjencë në spitalin rajonal “Petro Nako”, por mbërriti atje pa jetë.
Lexo edhe:
Artur Zheji lindi me 29 gusht të vitit 1961.
