Tatimet publikojnë listën e pagave referencë për punonjësit e turizmit, çfarë ndodh me bizneset që i deklarojnë më të ulëta

Tatimet kanë publikuar pagat referencë për punonjësit në sektorin e turizmit duke paralajmëruar bizneset se do të përballen me kontrolle të thelluara nëse deklarojnë paga më të ulëta se këto nivele.

Lista e pagave është bërë publike në planin sektorial të turizmit dhe ka për qëllim rritjen e të ardhurave që mblidhen nga tatimi i pagës, por edhe kontributet e sigurimeve shoqërore.

“Tatimpaguesit duhet të deklarojnë saktë pagat reale të punonjësve. Çdo deklarim poshtë pragut referencë do të konsiderohet indikator risku dhe do të bëhet objekt i verifikimeve tatimore,” thuhet në dokument.

Lexo edhe:

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

A ia vlen zhurma për bankën 100% digjitale? E testuam dhe kemi një përgjigje

Kompania e krijuar tri ditë pas hapjes së thirrjes për grantet e startupeve fitoi 6.1 milionë lekë në fazën e rezervuar për biznese të paktën njëvjeçare

Çfarë po ndodh me monedhat e huaja? Hidhini një sy këmbimit valutor për sot

Sipas listës së publikuar, pagat variojnë nga 55 mijë lekë deri në 140 mijë lekë në muaj në varësi të profesionit.

Lista e pagave referencë
Kryekuzhinier/Kuzhinier: 140,000 lekë

Manaxher hoteli: 110,000 lekë

Shef pastiçerie: 130,000 lekë

Kamarier: 70,000 lekë

Recepsionist: 63,000 lekë

Sanitar, larës enësh, punëtor krahu: 60,000 lekë

Administrata Tatimore i ka bërë thirrje bizneseve turistike që të përditësojnë listëpagesat dhe të deklarojnë pagat reale për të shmangur kontrollet dhe penalitetet që pasojnë nga to.