Avokatët e Veliaj ditën e sotme takuan kryebashkikaun e Tiranës në Durrës.
Në këtë takim, u bashkua dhe juristi i njohur Joshua Roberts, përfaqësues i studios ligjore amerikane Kasoëitz Benson Torres LLP, që po këshillon Veliaj.
Në një deklaratë të bërë për mediat, Roberts bëri të ditur se ndodhet në Shqipëri si vëzhgues i kësaj çështje dhe theksoi rëndësinë e respektimit të standardeve ligjore ndërkombëtare.
Lexo edhe:
“Në Shtetet e Bashkuara, sipas Kushtetutës dhe legjislacionit amerikan, akuzat penale ngrihen vetëm kur ekziston një shkak i arsyeshëm që një vepër penale është kryer. Gjithashtu, ndalimi i qytetarëve para gjykimit ndodh vetëm nëse ata paraqesin rrezik arratisjeje ose rrezik për shoqërinë,” deklaroi Roberts.
Ndërsa më tej ai shtoi “mbajtja e një politikani në paraburgim pa akuza të qarta dhe pa një rrezik të justifikuar është në kundërshtim me parimet e shtetit ligjor dhe demokracisë. Nesër do të ndjek nga afër argumentet e apelit për çështjen e Kryetarit Veliaj.”
Bëjmë me dije se studio Kasoëitz ka shërbyer si përfaqësues i Presidentit Trump “për një gamë të gjerë çështjesh gjyqësore për më shumë se 15 vjet”, si në bizneset e tij ashtu edhe gjatë fushatës presidenciale.
