Futbollisti i famshëm, Neymar, nuk po kalon periudhën e tij më të mirë në futboll. Por nuk mund të themi të njëjtën gjë në lidhje me jetën e tij private. Prej një viti, ylli i Paris Saint-Germain po shijon lidhjen e tij të re me bukuroshen braziliane, Bruna Biancardi.
Kjo e fundit së bashku me Neymar, u panë së bashku për herë të parë kur ishin në një udhëtim në Ibiza të Spanjës gushtin e kaluar. Të pranishëm me ta kanë qenë edhe miqtë e futbollistit dhe djali i tij.
Ndërkohë thuhet se Bruna është shpërngulur në Paris ku jeton me Neymar-in teksa shkon shpesh në stadium, në ‘Parc de Princes’ për të mbështetur të dashurin e saj.
Bruna Biancardi është një influencer në mediat sociale nga Brazili. Bukuroshja brune ka lindur më 15 prill 1994 dhe aktualisht është 28 vjeç. Bruna ka studiuar për modë dhe është marrë me marketing dhe menaxhim të tregtisë elektronike për më shumë se 8 vjet.
Ndërkohë për ironi të fatit, e dashura aktuale e Neymar, Bruna, ka emrin e ish-të dashurës së fundit të tij, Bruna Marquezine, me të cilën futbollisti shijoi një lidhje shumëvjeçare.
