Pas 6 muajsh del e vërteta e vrasjes së oficerit malazez që punonte në sektorin e trafikut të drogës, dhe që para se të gjendej i vrarë rezultoi i zhdukur për disa ditë.
Rudolf Elezoviç është vrarë nga bandat e Shkodrës që kishin monopolin e drogave të forta në Ulqin dhe jo vetëm.
Nga të dhënat e dosjes rezulton, se ai shpesh ishte bërë pengesë për rrjetet që trafikojnë drogë në qytetet e Malit të Zi.
Lexo edhe:
Pak orë pas zhdukjes, për oficerin e antidrogës u tha se mund të kishte kaluar nga Shqipëria me dokumente false për t’u arratisur më tej drejt Shteteve të Bashkuara të Amerikës për lidhjet e tij të rëndësishme me trafikun e drogës nga Shqipëria në Evropë.
Por, pasi u gjet i vrarë, hetimet nga Shqipëria dhe Mali i Zi arritën në përfundimin se Elezoviç, është ekzekutuar nga grupe kriminale nga Shkodra, gjë që është e shkruar tashmë edhe në dosjen e këtij krimi.
Sipas informacionit jozyrtar nga policia, oficeri i zhdukur ishte një nga të dyshuarit për lidhje me operacionin “Kurthi” si një person i cili u dha organizatave kriminale informacion në lidhje me lëvizjen e policisë, ndërsa kur ai e kuptoi që ishte dekonspiruar u arratis.
