Meteoalb njofton se do të mbetemi nën ndikimin e masave ajrore të paqëndrueshme në vendin tonë, të cilat do të kushtëzojnë mot me kthjellime dhe vranësira kalimtare gjatë paradites dhe mbrëmjes por rrebeshe shiu do ketë pas mesditë dhe gjatë orëve të pasdites. Në zona të izoluara do ketë ministuhi breshëri dhe forcim të parametrit të erës.
Temperaturat e ajrit ulen sërisht në mëngjes por rriten lehtë në mesditë duke u luhatur nga 13°C në zonat malore deri në 33°C në zonat e ulëta.
Era do fryjë e lehtë dhe mesatare duke arritur shpejtësi deri 35 km/h, nga drejtimi Veriperëndimor ndërsa në det të hapur krijohet dallgëzim 3 ballë.
Lexo edhe:
Kosova
Paraditja dhe mbrëmja do të paraqiten në ndikimin e kthjellimve dhe vranësirave të herë pas herëshme. Por pas mesditës sërisht vranësirat pësojnë zhvillim duke gjeneruar shira të përkohshëm në republikën e Kosovës.
Maqedonia e Veriut
Masat ajrore të paqëndrueshme që kanë përfshirë prej ditësh rajonin e ballkanit do të diktojnë edhe në territorin e MV vranësira, të cilat herë pas here sjellin rrebeshe afatshkurtër shiu. Mbrëmja dhe nata përmirësojnë kushtet atmosferike.
Rajoni dhe Europa
Pjesa më e madhe e kontinetit Europian do të paraqitet me kthjellime dhe vranësira të lehta. Konkretisht në ndimikimin e motit të kthjellët paraqitet Veriu, Qëndra po ashtu edhe brigjet e Egjeut. NDERSA vranësira dhe rrebeshe shiu dominojnë Lindjen dhe Europën Juglindore.
