Një prej kontrollorëve të Albcontrol në Rinas u shpreh mbrëmë se kanë nisur arrestimet e kolegëve të tij dhe se pret që të arrestohet edhe ai.
I ftuar në “Opinion”, ai tha se kishte 23 vite që punonte si kontrollor, ndërsa shton se janë kërcënuar me heqjen e gjysmës së kontrollorëve nga puna.
Ai u përfshi në debate me gazetarin Baton Haxhiu.
Lexo edhe:
Andel Trebicka: Dua t’i them koleges time që do të arrestohet nga policia. Po arrestohen kolegët një e nga një. Kjo është në vazhdën e asaj që tha zonja Balluku, ‘grusht shteti’ që po na kërcënon Erdogani.
Albcontrol ka të drejtë të mbyllë hapësirën ajrore. Dje janë pushuar 5 vetë nga puna. Na keni mbledhur dhe na keni thënë se do të pushojmë gjysmën nga puna. Mos hapni gojën. Kur keni parë se ne nuk tërhiqemi, na keni thënë përralla.
Zt. Baton Haxhiu tha përpara kush janë këta? Unë i them kush është ky?! Unë kam 23 vjet këtu. Kam pasur emergjenca. Në 23 vjet kam mbajtur b*thën tate në ajër të sigurt dhe ti del e më thua kush je ti.
Haxhiu: E para, nuk merrem me nervozizmin tënd. Në diskutim publik nuk përdoret një fjalor i tillë. Fikja e dritave është shantazh. Grevën ta vazhdoni por të mos ndërprisni punën.
Ndreca: Ndodhemi përpara arrestimit!
Trebicka: E para nuk është grevë. 80% e kontrollorëve e kanë kaluar covidin aty në këmbë. Nuk ka marrë masë asnjë njeri.
Ndreca: Kam një fëmijë të vogël në shtëpi dhe kam të njëjtat rroba që prej mëngjesit të djeshëm dhe ndodhem përpara arrestimit.
