Ka një kategori të dashurive personale të një diktatori, apo lideri politik, tek e cila derdhet gjithë zemërimi i kundërshtarëve: më shumë se fëmijët apo bashkëshortet, urrehen të dashurat e tyre. Në të gjithë mediat e botës ajo etiketohet si “Eva Braun” nga emri i të dashurës së Hitlerit, ish gjimnastja Alina Kabaeva. Javët e fundit ajo është zhdukur dhe emri i saj është zhdukur dhe nga NMG, kolosi mediatik që drejton që nga 2014.
38 vjeç, me një karrierë të shkëlqyer në gjimnastikë artistike, Alina Kabaeva nuk ka asnjë rol zyrtar në jetën e Vladimir Putin; por ajo njihet si bashkëshortja e tij e dytë, me të cilën thuhet se janë martuar dhe në kishën ortodokse, duke u bërë prindër të katër fëmijëve. Por mbeten gjithsesi zëra. Moska Korrespondent, revistë që në 2008-ën publikoi një portret të Kabaeva duke konfirmuar marrëdhënien me Putin, u mbyll menjëherë pas pak ditësh.
Mbi emrin e saj kishte tërhequr vëmendjen shumë herë dhe opozitari i burgosur Aleksei Navalni, i cili shprehet e ajo merr një pagë prej 10 milion eurosh në vit si drejtuese e kolosit mediatik dhe pse nuk ka punuar asnjëherë në fushën e komunikimit.
Lexo edhe:
Deri në ditët e para të luftës në Ukrainë, kishte prova se ajo bënte një jetë shumë të rezervuar në Zvicër, ku fëmijët e saj ishin regjistruar në shkollë. Madje u realizuan dhe disa peticione që kërkonin dëbimin e saj nga Zvicra, duke mbledhur 60 mijë firma, por dhe për tërheqjen e medaljeve olimpike të fituara nga ajo.
Vajza e një ish futbollisti, pak më e mbushur se gjimnastet e zakonshme ajo mori një medalje bronxi në Sidnei në vitin 200, një medalje ari në Athinë në 2004-ën, dhe më pas nëntë medalje të tjera ari, tre argjendi dhe dy bronxi botërorë. 15 medalje ari Europiane dhe pesë vende të para në Kupën e botës në periudhën 1998 – 2007.
Por ka zëra sipas të cilëve ajo ndodhet në një bunker luksoz me të gjitha komoditetet, i ndërtuar nga Putin për familjarët e tij në Siberi.
