Ka mjaftuar një foto e publikuar nga Xhensila Myrtezaj me vajzën e saj, Ajka, që ndjekësit të aludonin se ajo mund të jetë në pritje të ëmbël. Por lidhur me këto thashetheme, këngëtarja e njohur ka vendosur që të tregojë se si qëndron e vërteta.
“Prive” shkruan se Myrtezaj ka thënë se lajmi nuk është i vërtetë, edhe pse ajo dhe aktori i humorit, Bes Kallaku, kanë plane për një fëmijë tjetër.
“Nuk është e vërtetë. Një vëlla ose një motër është në plane, por ky nuk qenka moment”, tha Xhensila.
Kjo e fundit ka disa ditë që së bashku me Besin dhe Ajkën ndodhen me pushime në Shtetet e Bashkuara të Amerikës. Ata nuk kanë ngurruar që në rrjetet sociale të ndajnë me ndjekësit momentet e bukura nga këto pushime.
Ata duket se po kënaqen pafund, madje kanë përfituar edhe nga rrezet e diellit për të shijuar edhe detin. Xhensila publikoi në “Instagram” disa foto ku mes të tjerash në njërën prej tyre dukej e shtrirë në det bashkë me Ajkën e cila është duke i shikuar barkun.
Këto poza sollën shumë komente nga ndjekësit të cilën shkruan se ajo është në pritje të ëmbël, e për këtë arsye Myrtezaj është detyruar që të mohojë këto fjalë që po qarkullojnë për të.
