Bora Zemani dhe Beatrix Ramosaj janë në çdo moment në qendër të vëmendjes së fansave dhe jo vetëm, të cilët kapin çdo detaj të tyre. Ato janë komentuar shumë për shkak të situatës që u krijua brenda shtëpisë së “Big Brother VIP” me aktorin e humorit, Donald Veshaj.
Por jo vetëm kaq, pasi së fundmi moderatorja e njohur e ka përmendur këngëtaren teksa po moderonte “Për’puthen”. Në fakt e gjitha ka qenë një lapsus, por përdoruesve të rrjeteve sociale nuk mund t’u shpëtonte një gjë e tillë.
Në një moment në “Për’puthen” Bora thotë: “Në komentet që pamë në puntatën e djeshme, kemi ende për të parë nga takimi i Rrushes dhe Trixë…, Kristos”. Moderatorja ka ngatërruar emrin e Kriston dhe Trixës dhe momenti tashmë po bën xhiron e rrjetit.
Ndërkohë kujtojmë se ditën e djeshme, me rastin e 1 prillit, Bora dhe Beatrix ishin në qendër të vëmendjes. Moderatorja e dashur për publikun trazoi rrjetin duke lajmëruar se do të publikonte projektin e saj më të fundit muzikor “Nuk jam si ti” në orën 8.
Vetëm pak minuta më pas, këngëtarja ka bërë një postim shumë të ngjashëm me atë të Borës, ku njoftoi publikimin e një kënge të re me titull “As unë si ti” dhe që do të publikohej në orën 20:00!
Kjo i bëri ato protagoniste sërish me këto postime në rrjetet sociale që u dukën si një rastësi e çuditshme. Ndryshe nga Beatrix, Bora njoftoi më pas se ishte e gjitha shaka për 1 prillin.
