Një incident i rëndë ka ndodhur në orët e para të mëngjesit të sotëm në sheshin “Skëndërbej”, ku një 40-vjeçar ka tentuar të lyej trupin me benzinë për të dhënë fund jetës gjatë faljes së Fiter Bajramit nga besimtarët myslimanë.
Policia thekson se 40-vjeçari është ndaluar nga qytetarët në momentin që po ndërmerrte aktin ekstrem. Ndërkohë, LSA sjell edhe momentet kur personi është neutralizuar nga besimtarët dhe më pas shoqëruar nga policia.
Tiranë/Informacion paraprak
Më datë 13.05.2021, rreth orës 07:05, në sheshin “Skenderbej” shtetasi B. G., rreth 40 vjeç, ishte lyer me benzine dhe dyshohet se kishte qëllim të vetëdigjet, por është ndaluar nga disa qytetarë aty në afërsi.
40-vjeçari është shoqëruar në Komisariatin e Policisë Nr.1.
Grupi hetimor vijon punën për sqarimin e rrethanave të ngjarjes.
