2023 do të mbahet mend gjatë për ata të dy.
Bëhet fjalë për Luiz Ejllin dhe Kiara Titon, çiftin e shumëpërfolur të Big Brother Vip Albania 2.
Emri i secilit prej tyre sot nuk mund të rrijë i ndarë nga tjetri si për dashurinë që ata marrin nga publiku, por edhe për marrëdhënien e tyre si çift, fryt i të cilës këtë vit do të mirëpresin edhe një bebushe.
Pikërisht për këtë arsye, edhe ne vendosëm që t’i bënim bashkë në konkursin për Personazhin e Vitit 2023.
Konkursi ka qëndruar i hapur për disa javë më radhë, ku çifti ka kryesuar me 67 015 vota deri në momentin e mbylljes së votimit online, nga një total prej rreth 123 mijë votuesish.
Gjatë gjithë këtij viti, Luiz dhe Kiara kanë qenë pjesë e pandashme e lajmeve të Vip Magazine, pasi një pjesë e madhe e publikut ka pasur interes të vazhdueshëm për çdo zhvillim në lidhje me jetën e tyre.
