Stina në të cilën ke lindur tregon shumë për personalitetin tënd, sipas studimit

Sipas disa studimeve, stina në të cilën lindim ka një ndikim të madh mbi personalitetin tonë dhe kjo është e provuar shkencërisht.

Një studim nga Universiteti Semmelweis zbuloi se ka një lidhje të drejtpërdrejtë midis muajit të lindjes, humorit dhe personalitetit tonë. Profesoresha Xenia Gonda analizoi 366 studentë dhe i kategorizoi sipas muajit dhe stinës së lindjes. Pastaj i ndau në katër tipe personaliteti: gjaknxehtë, energjik dhe i lumtur, i qetë dhe më i predispozuar për depresion.

Gonda shpjegoi se “studimet biokimike tregojnë që stina e lindjes ndikon në neurotransmetues të caktuar si dopamina dhe serotonina dhe ky ndikim ndihet edhe në moshën e rritur.” Në thelb, koha kur lindim mund të rrisë ose ulet mundësinë e zhvillimit të disa çrregullimeve të humorit.

Lexo edhe:

E çuditshme në Spanjë! Shkonte 40 minuta më herët në zyrë, pushohet nga puna

Dëshironi ta keni lulen e Krishlindjeve gjithë vitin? Ja 5 këshilla

Dhjetori i surprizave! Këto 4 shenja të zodiakut do të pësojnë ndryshime drastike

Kush flet më shumë gjuhë – plaket më ngadalë, sipas studimit të ri

Pranverë

Pranverorët janë energjikë, të gëzuar dhe shpesh zgjojnë të tjerët me optimizmin e tyre. Ata janë të prirur të jenë të zgjuar dhe të shëndetshëm emocionalisht, por mund të ndjejnë më shumë efektet e depresionit sezonal gjatë dimrit.

Ndriçimi natyror i diellit i ndihmon të zhvillojnë një disponim pozitiv dhe të jenë gjithmonë plot energji.

Verë

Nëse ke lindur në verë, personaliteti yt është i njohur si ciklotimik, që do të thotë se ndonjëherë mund të ndjesh ndryshime të humorit, por gjithmonë je më pozitiv se të gjithë të tjerët.

Studime kanë treguar se fëmijët e lindur në gusht kanë më pak mundësi për çrregullime bipolare dhe shpesh kanë një shpirt të gëzuar. Verorët thjesht shkëlqejnë si dielli!

Vjeshtë

Njerëzit e lindur në vjeshtë kanë një natyrë të lumtur dhe inteligjencë emocionale të lartë. Ata janë të orientuar drejt suksesit dhe shpesh shquhen në shkollë dhe karrierë.

Femrat e lindura në këtë sezon mund të kenë mbrojtje natyrale ndaj disa llojeve të kancerit dhe menopauza zakonisht fillon më vonë.

Dimër

Fëmijët e lindur dimër janë më të qetë dhe të relaksuar, por mund të jenë pak më të predispozuar për depresion.

Ata kanë një natyrë të qetë dhe nuk stresohen lehtë. Për më tepër, dita më e shkurtër i bën të prodhojnë më shumë melatoninë, që do të thotë: janë gjumashë të mirë!

Krijimtaria dhe imagjinata e zhvilluar nga qëndrimi më shumë në shtëpi i bën dimërorët të talentuar në art dhe aktivitete krijuese.