Tirana do të blindohet nga policia e shtetit, për sa i përket, ndeshjes së futbollit “Shqipëri-Serbi”, që do të zhvillohet sot më datë 7 qershor 2025, në orën 20:45, në stadiumin “Arena Kombëtare”, Tiranë.
AbcNews, mëson se do të ketë prezencën më të madhe ndonjëherë të punonjësve të policisë për një ndeshje, duke angazhuar repartin special RENEA, Sektorin e Antiterrorit dhe strukturat e tjera të rendit.
Policia thotë se do të kryej, Eskortimi dhe sigurimi i futbollistëve të ekipit të Serbisë, nga aeroporti i Rinasit, në hotel, në stadium dhe në kthim për në Rinas. Po ashtu para dhe gjatë ndeshjes policia do të kryej kontrolle sistematike në mjediset brenda dhe jashtë stadiumit, për persona të paautorizuar, sende dhe lëndë piroteknike, para se të futen tifozët.
Lexo edhe:
Gjatë datës 7 qershor 2025, nga ora 15:00 deri në përfundim të ndeshjes, do të ketë kufizime të qarkullimit të mjeteve në disa akse rrugore në afërsi të stadiumit.
Rrugët që do të bllokohen:
Bulevardi “Dëshmorët e Kombit”,
Sheshi “Nënë Tereza”,
rruga “Papa Gjon Pali i II”,
rruga “Dervish Hima”,
rruga “Asim Zeneli”,
rruga “Themistokli Gërmenji”,
rruga “Gjergj Filipi”,
rruga “Lekë Dukagjini”,
rruga “Faik Konica”
rruga “Skerdilajd Llagami”.
Një tjetër masë që është marrë sipas policisë janë pushkët që përdoren për të rrëzuar dronët që do të jenë të vendosura në të gjithë perimetrin e stadiumit.
Personat që do të kapen duke kryer shkelje si veprimet e dhunshme stadium, hyrja në fushën e lojës apo hedhje të sendeve të forta, do të gjobite, 50 000 deri në 100 000 lekë.
