Skena dhune dhe ofendime, Komsioni i Medias ndërpret transmetimin televiziv të programit shqiptar

Komisioni i Pavaruar i Mediave ka mbyllur emisionin “It’s my home” në Kosovë, ku dje u dhunua fizikisht një konkurente.

Lajmin e ka bërë me dije pronari i  televizionit “First Channel”, Valon Maloku. Ai njofton se programi u mbyll për skenën e dhunës.

“Sipas vendimit të KPM-së programi Reality show “It’s my home” ndërprehet menjëherë në transmetimin televiziv”, ka konfirmuar Maloku.

Lexo edhe:

“Bebit nuk i rreh më zemra!”, rrëfimi prekës i Turjan Hyskos, nga humbja e shtatzënisë së parë të Orinda Hutës dhe ardhja në jetë e Atarës përmes IFV

“Babi do jetë engjëlli jonë mbrojtës”/ Selvije Jao rikthen foton krah Shpat Kasapit dhe djalit, ja mesazhi prekës

E bujshme! Gazetari i madh shqiptar thirret në SPAK, dalin detajet e papritura

“S’keni çfarë të më bëni”, aktori Jul Deda në SPAK: I keni rënë gabim

“It’s my home” vazhdon të transmetohet në kanalin tonë në youtube 24 orë me 7, deri në një vendim tjetër”, ka njoftuar ai më tej.

Gjatë ditës së djeshme, pas një debati të ashpër në këtë reality show, një banore është goditur me këpucë nga një tjetër banor.

Pre e dhunës, në këtë rast banorja e “It’s my home”, në pamjet e publikuara shihet teksa largohet duke qarë nga pjesa ku po debatonte dhe askush nuk shkon pas saj për ta ndihmuar.

Përkundrazi një grua aty e përkrahi dhunën ndaj saj duke i thënë sulmuesit “bravo, mirë ia bëre”.