Zbardhen detaje nga aksidenti në të cilin është përfshirë mjeti shoqërues i ish-kryeministrit Sali Berisha.
Informacione paraprake bëjnë me dije se ka qenë një makinë që është futur në krah të kundër me një shpejtë shumë të lartë.
Drejtuesi i mjetit ka arritur të shmanget në kohë, duke bërë që mjeti në fjalë të ecte në drejtim të makinës që ndodhej pas asaj të liderit historik të Partisë Demokratike.
Lexo edhe:
Edhe kjo e dyta është shmangur dhe mjeti me të cilin u përplas i futuri në krah të kundër ishte i treti në radhë. Për pasojë, një person që ndodhej brenda mjetit eskortë të Berishës ka mbetur i plagosur.
Të lënduar kanë mbetur edhe dy persona të tjerë, përfshirja e të cilëve në aksident është ende e paqartë. Vetë Berisha është në gjendje të mirë shëndetësore dhe nuk ka pësuar asnjë dëm.
Priten të zbardhen detaje të tjera.
