Pasuria që Princi Philip ka lënë pas vlerësohet të jetë 42 milion dollarë dhe sipas burimeve, nuk do të shpërndahet vetëm për anëtarët e familjes mbretërore.Duka i Edinburgut i cili ndërroi jetë në prill në moshën 99 vjeç ka përfshirë tre punonjës të tij në testamentin e tij midis trashëgimtarëve të familjes.
Sipas një burimi nga familja mbretëror, pjesa më e madhe e pasurisë së tij do ti kalojë Mbretëreshës Elizabeth. Sidoqoftë, Princi Philip nuk ka lënë pa treguar mirënjohjen e tij dhe për njerëzit përreth tij që e ndihmuan.
“Ndryshe nga mbretërit e tjerë, Princi Philip do të jetë bujar me tre burrat që u kujdesën për të ,” tha burimi, duke shtuar se akti nuk ishte aq konvencional.
Njerëzit e zgjedhur nga Duka i Edinburgut përfshijnë sekretarin e tij, Archie Miller, ndihmësin e tij, Ëilliam Henderson dhe Stephen Nidoyandlo. Përveç kësaj, ndërsa të gjithë besuan se Princi Harry nuk do të ketë asnjë pjesë të pasurisë së gjyshit të tij, pasi u largua nga familja mbretërore, ai tregoi se nuk i mban inat dhe përfshiu dhe nipin në testamentin e tij.
”Filipi nuk ishte lloji i personit që do të ndëshkonte një nip për sjellje të keqe. Ai ishte një njeri shumë i drejtë dhe i mirë. Kurrë nuk mbajti inat“, tha i njëjti burim.
Duka i Edinburgut përfshiu në testamentin e tij lirinë për të “marrë gjithçka që ata duan” nga koleksioni i tij i librave, Princ Charles, Princeshë Anne, Princin Edëard dhe Princ Andreë. Sigurisht, nuk u dhanë detaje të tjera, pasi ato janë konfidenciale dhe një zëdhënës i Buckingham , të cilit iu kërkua të konfirmonte përmbajtjen e testamentit, e mohoi kategorikisht, duke thënë:
“Kjo është një çështje personale për familjen dhe gjëra të tilla janë private “.
