Ish-presidenti, Sali Berisha dhe gjithë familja e tij u shpallën 3 ditë më parë “non grata” nga Shtetet e Bashkuara të Amerikës. Këtë vendin të DASH e bëri të ditur përmes një postimi në “Twitter”, sekretari i Shtetit, Antony Blinken.
Kjo do të thotë se gjithë familja Berisha i ndalohet hyrja në Shtetet e Bashkuara të Amerikës, por në këtë vendim nuk përfshihet nusja e familjes, Armina Mevlani.
Deri ditën e sotme, Armina nuk kishte reaguar në lidhje me këtë lajm që vijon të komentohet gjatë kudo. Por së fundmi ajo ka vendosur të flasë pas një mesazhi të një ndjekëseje të saj në rrjete sociale.
“Më vjen keq për lajmet e fundit mbi familjen dhe të themi, sepse jam e sigurt që as ti nuk ndihesh mirë”, i ka shkruar dikush Arminës.
Me këtë rast ajo ka vendosur të përgjigjet dhe reagojë për herë të parë. Blogerja e cilëson këtë vendim si politik, por shton se asaj i intereson vetëm shëndeti i njerëzve të dashur dhe asgjë tjetër.
“Tashmë kam mësuar që për arsye politike çdo gjë mund të ndodhë, edhe pse vetë nuk jam pjesë e saj. Por ajo që më intereson është vetëm shëndeti im dhe i njerëzve të dashur (për këtë lutem çdo natë pas periudhës së vështirë të coronës). Gjithçka tjetër rregullohet dhe kalon”, shkruan Armina Mevlani.
Kujtojmë se Armina Mevlani ka disa vite që po jeton një histori dashurie me Shkëlzen Berishën dhe në 2018-n ata u fejuan zyrtarisht.
