Donaldi dhe Romeo që prej nisjes së karrierës së tyre televizive kanë bërë lëmsh rrjetin duke e bërë shpesh të pamundur misionin për të identifikuar secilin prej tyre nga tjetri.
Jo vetëm publiku por shpesh edhe vajzat që tërhiqeshin pas tyre e kishin më të vështirë të dallonin Romeon dhe Donaldin dhe kjo me të drejtë pasi ata të dy kanë shumë pak detaje që i veçojnë.
Bora Zemani teksa ka treguar për njohjen e saj me Donaldin ka treguar se shpresonte të ishte ai që është single dhe jo binjaku tjetër që në atë në kohë ishte i lidhur me Jonida Maliqin. Flasim vetëm për fazën e parë para njohjes se në tre vite lidhje sot ajo e njeh më mirë se kushdo tjetër, shkruan Vip-Magazine.al
Lexo edhe:
Kjo nuk është hera e parë që ata bëjnë lëmsh një dynja të tërë. Le të kthehemi pas në kohë pak muaj më parë kur binjakët udhëtuan drejt Spanjës për të kaluar disa ditë pushime. Romeo u përfol se kishte shkuar në udhëtim i shoqëruar nga e dashura e tij Aleksia Peleshi. Po Donaldi?
Në atë kohë në rrjet qarkulloi një video ku njëri prej binjakëve përqafohej me një bjonde në rrugët e Barcelonës. Epo kush ishte ai, të gjithë e patën të vështirë të dallonin binjakun. Me rregull përjashtimi, duke qenë se në udhëtim ndodhej edhe Aleksia u tha se krah bjondes ishte Donaldi i cili kishte disa muaj që i kishte dhënë fund historisë së dashurisë me Bora Zemanin.
Dilema vazhdoi edhe kur u përfol se njëri prej binjakëve do të futej në shtëpinë e Big Brother Vip, dhe deri natën e spektaklit shumë pak e dinin se kush do hynte në shtëpinë më të vëzhguar, Donaldi apo Romeo.
Së fundmi fansat kanë aluduar për një shkëmbim të mundshëm të Romeos dhe Donaldit për të vënë në lojë banorët e tjerë. Dyshimet janë shtuar akoma më shumë nga një story e bërë nga moderatorja e programit Arbana Osmani e cila pyeset Romeon nëse donte të ndërrohej me Donaldin.
Kjo ide është përforcuar akoma më shumë edhe nga fakti se krejt papritur këtë javë Donaldi, pavarësisht simpatisë së shprehur më herët, është parë shumë afër me Beatrix Ramosajn. Ata që besojnë te dashuria e tij me Bora Zemanin po shpresojnë se shkëmbimi me Romeon është i vërtetë dhe gjitha ajo që po ndodh është lojë.
Por jo. Pa daljes së Semit duket se Donaldi ka pasur më shumë hapësirë për t’u afruar me vajzat e tjera dhe e preferuara e tij duket se ka qenë pikërisht bukuroshja nga Kosova.
Dhe ka disa fakte që i vënë vulën se ai që po përkëdhelet me Beatrix është Donaldi dhe jo Romeo.
Donaldi ka dy nishane në pjesën e fytyrës që e dallojnë nga i vëllai. Ndërsa ky i fundit dallohet lehtësisht për shkak të vetullës së çarë.
Dy binjakët kanë tatuazhe të ndryshme nga njëri tjetri, ndërsa Donaldi identifikohet shumë lehtë nga tatuazhi që ka në këmbë.
Donaldi ka pasion pikturën dhe këtë nuk e ka mbajtur të fshehtë gjatë lidhjes me Bora Zemanin ku pikturoi portretin e saj. Gjatë ditëve të fundit këtë ai e ka treguar edhe brenda Big Brother, duke pikturuar imazhin e Ismail Qemalit e cila mbrëmjen e sotme do të dalë edhe në ankand.
/Vip-Magazine.al/
