Sipas parashikimeve pritet që java që presim përpara më në fund të na sjellë diellin dhe temperatura relativisht të larta (për adhuruesit e plazhit). Por duhet theksuar se ky diell dhe këto temperatura vijnë gjatë ditës së enjte dhe të premte; por le ti shohim ditët me radhë.
Paqëndrueshmëria e motit do të vijojë për ditët e hënë, e martë dhe e mërkurë me një karakteristikë të përbashkët. Gjatë pjesës së parë të ditës moti do të jetë me kthjellime dhe vranësira kalimtare shoqëruar me reshje shiu të dobëta gjatë ultësirës perëndimore.
Nga orët e mesditës deri ato të pasdites, në relievet kodrinore dhe malore në lindje të territorit (por edhe një pjesë e ultësirës perëndimore) do të ketë zhvillim të menjëhershëm të vranësirave deri të dendura. Këto vranësira do të shoqërohen me reshje shiu me intensitet deri mesatar, por në zona të caktuara në formën e rrebesheve dhe breshërit deri të lartë.
Lexo edhe:
Java mbyllet me ditën e enjte dhe të premte me mot të kthjellët në pjesën më të madhe të territorit. Vranësirat kalimtare do të jenë përgjatë relieveve të larta malore shoqëruar me reshje shiu të dobëta.
