Këngëtarja e njohur, Rezarta Shkurta, ka zbuluar përmes postimeve në rrjetet sociale se ndodhet me pushime në Greqi. Kësaj radhe ajo ka shkuar vetëm me bashkëshortin e , Ermal Hoxha, duke e lënë vajzën e tyre në shtëpi.
Nga këto pushime nuk mungojnë postimet në profilin e “Instagram”-it të Rezartës. Kjo e fundit fillimisht ka ndarë me ndjekësit një video ku shfaqet dorë për dore me Ermalin, teksa shkojnë drejt një vendi të kuruar në çdo detaj për të qëndruar.
“Mami dhe baba pa Herën”, shkruan Shkurta në postimin e saj, ku disa ndjekës e kanë kritikuar se si mund të kënaqët me faktin se nuk ka të bijën me vete.
“Çdo prindër është i lumtur kur ka fëmijët afër. Tek ti e kundërta, ti lumturohesh kur nuk ke fëmijën afër”, i shkruan një ndjekës, të cilës Rezarta ka gjetur pak kohë nga pushimet e saj për t’i kthyer përgjigje.
Poston imazhet e bukura me bashkëshortin nga pushimet në Greqi,
“Këtë zgjuarsi e ke vet apo të ndihmoj ndonjë tjetër ta shkruash, thuaj të vërtetën”, iu përgjigj këngëtarja e njohur, e cila pati edhe mbështetjen e të tjerëve, se çdo çift ka nevojë të pushojë vetëm pa fëmijët.
Ndërsa mëngjesin e kësaj të shtune, Rezarta ka postuar një fotografi ku shfaqet së bashku me bashkëshortin, të shtrirë në një shezlong që ndodhet pranë një pishine. Me këtë foto që është pëlqyer shumë nga ndjekësit, ajo u ka uruar të gjithëve “mirëmëngjesi”.
