“Po fiton luftën në Gaza, por ka humbur opinionin publik”, Trump: Lobi izraelit ka humbur fuqinë në Kongresin amerikan

Presidenti amerikan Donald Trump ka deklaruar se lobi izraelit nuk është më i fuqishëm në Shtetet e Bashkuara si dikur.

“Para 20 viteve, Izraeli kishte në Kongres, lobin më të fuqishëm se çdo gjë tjetër, organizatë, kompani, korporatë apo shtet, që unë kam parë ndonjëherë. Kishin kontroll të plotë mbi kongresin, por tani jo, nuk është më aq i fortë dhe jam i befasuar”, tha Trump në një intervistë për portalin online Daily Caller me pikëpamje konservatore.

Lufta në Rripin e Gazës duket se e ka dëmtuar rëndë imazhin e Izraelit dhe këtë e pranon edhe Trump, i cili thotë se njerëzit kanë harruar pamjet e sulmit të 7 tetorit 2023 të Hamasit ndaj Izraelit ku u vranë mbi 1 mijë e 500 izraelitë.

Sulmi hakmarrës izraelit në më shumë se dy vite, megjithatë ka vrarë 40 herë më shumë palestinezë.

Lexo edhe:

Priten vonesa në aeroportet e Europës: Të dielën nis kontrolli me gjurmë gishtash të pasagjerëve

Zbulimi tronditës/ E torturuar për orë të tëra në bodrum nga vajza e adoptuar, çfarë i ndodhi kryebashkiakes në Gjermani

Tërmeti trondit jugun e vendit, ja sa ishte magnituda, paralajmërohet cunami

Çfarë ndodhi? Mbyllet përkohësisht një nga aeroportet kryesore në Evropë, mbi 6 mijë pasagjerë të prekur

“Ata mund të jenë duke e fituar luftën, por jo botën e marrëdhënieve me publikun. Kjo po i dëmton shumë”, tha Trump.

Presidenti amerikan shprehet megjithatë, se ka qenë dhe vazhdon të jetë mbështetës i këtij vendi.

Ndërkaq, Belgjika është vendi i radhës që paralajmëroi se në punimet e Asamblesë së Përgjithshme të OKB-së nga 9 deri më 23 shtator do të njohë shtetin palestinez siç njoftoi ministri i jashtëm Maksim Prevost.

Belgjika i shtohet kështu Francës, Britanisë së Madhe, Kanadasë dhe Australisë që kanë paralajmëruar të njëjtin hap.