Në edicionin e kaluar të “Për’puthen”, Mevlan Shaba doli nga programi së bashku me Ledjana Prengën, që të njiheshin më mirë pa praninë e kamerave. Por marrëdhënia e tyre nuk zgjati shumë dhe në rrjetet sociale zbuluan se e kishin ndërprerë njohjen me njëri-tjetrin.
E teksa nuk e gjeti dashurinë në “Për’puthen 2”, Mevlani vendosi që të rikthehej sërish në studion e emisionit të dashurisë, për të provuar edhe njëherë fatin e tij.
Gjatë puntatës së djeshme të “Për’puthen 3”, ai dashje pa dashje tregoi se me Ledjanën ra në dashuri duke i nisur takimet me tallje. Kjo deklaratë e tij erdhi si pasojë e një shpjegimi që po bënte për takimin që kishte me Efin. Ai u shpreh se nëse nuk do i pëlqente një vajzë nuk do ta ftonte kurrë në një takim.
Ndërsa për Ledjanën ai tha që edhe pse ra në dashuri, ai përfundoi i zhgënjyer dhe i lënduar.
“Momente batutash do ketë. Sinqerisht ia kam thënë edhe asaj në takim. Nëse një vajzë këtu nuk do më pëlqente nuk do dilja kurrë në takim. Me atë mendimin që do e tallë në takim s’ka ndodh asnjëherë. Okay me tallje e nisa dhe vjet, por përfundova që rashë në dashuri (referuar takimeve me Ledjanën). Me kuptimin e mirë të fjalës. Në takimet që bëja ndoshta nuk i merrja aq seriozisht”, tha Shaba.
I pyetur nga Bora Zemani nëse ra në dashuri, Mevlani u shpreh: “Epo tashi ndodhi. Është e vërtetë. Por pastaj përfundova i zhgënjyer dhe i lënduar”.
