U duk se mes tyre kishte diçka më shumë se pëlqim, pasi që në takimin e parë Atdheu dhe Sara u puthën në buzë. Puthjet e tyre jashtë dhe brenda studios së “Për’puthen” bënë xhiron e rrjetit.
Por tashmë mes dy konkurrentëve të “Për’puthen”, çdo gjë ka përfunduar. Madje e gjithë ngjarja ka marrë një tjetër rrjedhë. Tashmë duket se ata janë kthyer “armiq” të njëri-tjetrit.
Teksa disa ditë nuk ishte i pranishëm në emision për shkak se ishte i infektuar me Covid, atëherë plasi edhe “bomba”. Gjatë një lidhje të drejtpërdrejtë nga shtëpia, Atdheu tregoi se i kishin ardhur telefonata e mesazhe kërcënimi nga Holanda e Dubai, nga meshkuj të cilët i thonin t’i qëndronte larg Sarës.
Lexo edhe:
Ndaj, Atdheu e akuzoi Sarën që kishte marrëdhënie jashtë emisionit, duke u shprehur se s’kishte pse t’i merrte aspak këto kërcënime kur s’kishte bërë asgjë kundër saj.
Megjithatë, Sara tha se nuk e di për kë bëhet fjalë , ndaj i kërkoi Atdheut të mos i hidhte këto akuza pa prova. Pavarësisht kësaj, Atdheu premtoi se do të tregonte provat, pasi e kishte gjetur edhe personin që i kishte bërë këto kërcënime.
Kjo ngjarje ka vazhduar edhe jashtë. Pas mesazheve kërcënuese, “Kryefjala.com” bën me dije se disa djem i kanë dalë në pritë konkurrentit të “Për’puthen” për ta sulmuar, mirëpo fatmirësisht s’ka ndodhur asgjë e rrezikshme dhe Atdheu është mirë.
Madje, ai ka kthyer përgjigje pas lajmit të tij, duke u shprehur: “Gjithmonë të drejtin s’e humb Zoti kurrë.”
