Jesy Nelson është ndarë nga i dashuri Sean Sagar pas nëntë muajsh lidhjeje. Ish anëtarja e “Little Mix” dhe aktori 30-vjeçar kanë vendosur të bëjnë një pushim me njëri-tjetrin.Thashethemet lindën pasi dyshja fshinë fotot krah njëri-tjetrin në rrjete sociale.
Një burim tha për “The Sun”: “Jesy dhe Sean kanë vendosur të kalojnë disa kohë larg. Është e trishtë sepse ata ishin një çift i bukur por kohët e fundit gjërat nuk kanë qenë në rregull mes tyre.
Jesy sapo është shkëputur nga Little Mix dhe po punon shumë me veten e saj tani për tani, duhet ta vendosë veten në plan të parë. Izolimi e ka bërë më të vështirë gjithashtu, prandaj për tani Jesy dhe Sean kanë vendosur të qëndrojnë larg njëri-tjetrit për pak kohë.”
Jesy dhe Sean filluan të dilnin për herë të parë Prillin e kaluar, lidhje të cilën më pas e zyrtarizuan në Tetor duke ndarë disa foto krah njëri-tjetrit. Sidoqoftë, thashethemet për një ndarje u shfaqën shpejt kur gjurmët e romancës së tyre u zhdukën nga mediat sociale.
Nelson njoftoi pak javë më parë largimin përfundimtar nga banda, ku shprehej se këto nëntë vite që ka qenë pjesë e “Little Mix” kanë qenë të pabesueshme, por tashmë ka ardhur koha që të fokusohet më shumë tek vetja.
