Kim Kardashian nuk ka qenë asnjëherë kundër që të marrë pak frymëzim nga disa prej idhujve të saj. Pasi veshi fustanin e famshëm prej 5 milionë dollarë të Marilyn Monroe në Met Gala 2022, le t’i hedhim një sy të gjitha herëve që ylli televiziv ka kopjuar pamjen e ikonave të Hollywood-it.
Në eventin e rëndësishëm që u mbajt të hënën, Kim u shfaq me fustanin ikonik të Marilyn. Dhe që fustani në fjalë t’i rrinte sa më bukur në trup, duket se i ka kushtuar shumë pasi i është dashur që të humbasë mbi 7 kilogramë. Madje ajo ka lyer edhe flokët në biond platin në shenjë nderimi për Marilyn.
Lexo edhe:
Kujtojmë se Monroe e veshi atë kur këndoi “Happy Birthday Mr. President” për John F Kennedy në Madison Square Garden në vitin 1962.
Ikonat e ’90
Teksa ishte e ftuar në premierën e “The Cher Show” në Broadway në vitin 2018, Kim veshi një fustan të vjetër të “Versace” që Naomi Campbell e kishte veshur më parë në një sfilitë në 1998.
Madje modelja e famshme e kishte riveshur fustanin metalik edhe në vitin 2015 në tapetin e kuq të “The Fragrance Foundation’s”, për të treguar se rri bukur edhe në kohët moderne.
Ndërkohë Kim ka kopjuar super modelen edhe me një kostum si mace dhe kapele në kokë.
Vizioni në “Versace”
Kim u shfaq në Met Gala 2018 me një veshje të “Versace”, të cilën në 1992 e kishte veshur Helena Christensen.
Pam dhe Tommy
Në vitin 2018, 41-vjeçarja u shfaq si Pamela Anderson për festën e Halloween-it. Së bashku me mikun e saj, Jonathan Cheban, kopjuan pamjen e Pam dhe të bukurës së saj Tommy Lee nga Video Music Awards në 1999.
Si një virgjëreshë
Në vitin 2017, Kim dhe motra e saj Kourtney Kardashian iu drejtuan botës së muzikës për veshjet e tyre të koordinuara të Halloween.
Dy yjet televizive u shndërruan në kopje të Michael Jackson dhe Madonna në paraqitjen e tyre legjendare në Oscars 1991.
Rroba banje
Në vitin 2018, Kim tregoi format e saj të lakmueshme teksa kopjonte Bo Derek. Kombinimi i rrobave të banjës dhe gërshetat i bëri homazh pamjes së aktores në komedinë romantike të vitit 1979, 10.
E frymëzuar nga Cher
Kim është një fanse e madhe e Cher dhe të dyja gëzojnë një miqësi të ngushtë. Ajo ka një histori frymëzimi nga Perëndesha e Pop-it dhe në vitin 2015, bëri homazhe me pamjen e saj në Met Gala.
E frymëzuar nga veshja e Cher nga e njëjta ngjarje në vitin 1974, ajo veshi një fustan të bardhë me shkëlqim me detaje pupla.
Por jo vetëm kaq, pasi Kim vazhdoi të tregojë sërish adhurimin e saj për Cher në 2018, kur mori pjesë në koncertin e këngëtares në Las Vegas.
Me pantallona të gjera të tejdukshme dhe një bluzë të bardhë, ajo i bëri jehonë pamjes Grammy të këngëtares Believe të vitit 1974
