Pas ndarjes së bujshme, Kim Kardashian dhe Kanye West, janë fotografuar teksa drekonin së bashku për herë të parë. E kësaj radhe ishin pa fëmijët, duke treguar se kanë ruajtur një marrëdhënie të mirë me njëri-tjetrin.
Paparacët kanë fotografuar momentin kur ylli televiziv ka hyrë në sediljen e pasagjerit të një makine, ndërsa reperi i famshëm futet në anën e kundërt. “Page Six” shkruan se ata janë “kapur mat” në një restorant në Malibu, më 20 gusht.
“Megjithëse janë divorcuar, çifti ende kalon kohë së bashku, vetëm ose me fëmijët e tyre. Kanye jeton kryesisht jashtë Los Anxhelos, por kur ai është në qytet ata kanë prioritet takimin”, kanë thënë burimet pranë tyre.
