Në flotën më të fuqishme ushtarake të botës, një shqiptari i është besuar një detyrë e rëndësishme.
Nga 27 qershori 2-25, Alban Dervishi është zyrtarisht komandant i anijes amfibe amerikane “U.S.S Pearl Harbor”.
Marina ushtarake amerikane ka një traditë, yllin në anën e djathtë të gjoksit që simbolizon emërimin si komandant i anijes Pearl Harbor, duhet ta vendos bashkëshortja.
“Të bëhesh komandant i USS Pearl Harbo është një nder dhe privilegj që bazohet në detyrën ndaj vendit tonë dhe përgjegjësinë ndaj qindra marinarë që shërbejnë këtu në Paqësor.”, tha ai.
Karriera e Dervishit në marinën amerikane nisi qysh në moshën 18 vjeçare.
Emërimi i tij u përshëndet edhe nga Ambasada Amerikane në Tiranë:
“Ambasada e Shteteve të Bashkuara përgëzon Alban Dervishin për rolin e tij të ri si Komandant i USS Pearl Harbor! Ceremonia zyrtare e ndërrimit të komandës u zhvillua në San Diego javën e kaluar”, shkruan Ambasada Amerikane në Facebook.
