Këngëtarja e njohur Fifi dhe partneri i saj, Adis Patushi do të bëhen së shpejti prindër të një djali.
E teksa artistja është në ditët e fundit të shtatzënisë, ajo ka realizuar një bisedë virtuale me ndjekësit e saj ku i kanë drejtuar pyetje nga më të ndryshmet, por më të shumtat kishin të bënin me vogëlushin që ajo po pret të vij në jetë.
E pyetur nëse ka e ka zgjedhur emrin për bebushin, këngëtarja u përgjigj me “Po” por nuk zbuloi asnjë detaj tjetër, madje ajo tregoi gjithashtu se emri i djalit nuk do i fillojë as me shkronjën “A” e as me “F”, të cilat janë inicialet e çiftit.
Ndër të tjera, artistja tregoi se ka në plan dhe për të bërë një dasmë pasi të sjellë në jetë djalin. “A ke dëshirë të bësh dasmë Fifi?”- e pyeti një ndjekës, ndërsa këngëtarja është përgjigjur:
“Normal që po..Cila femër nuk e ëndërron veten me fustan të bardhë”.
Kujtojmë se lajmin se do të bëhej nënë, Fifi e ka dhënë gjatë interpretimit në Festivalin e Këngës në RTSH, ku tregoi se po përjetonte emocione të dyfishta.
“Jam njeriu më i lumtur në botë. Unë po pres një fëmijë! Kënaqësia më e madhe është se nuk kam kënduar vetë, kam kënduar me fëmijën tim brenda. Zoti i bekoftë të gjitha mamatë”, deklaroi në skenën e madhe të Pallatit të Kongreseve.
Gjatë një interviste, Fifi u shpreh se kur njohu Adisin e kuptoi se çfarë ishte dashuria dhe se vetëm tani ia ka bërë zemra “bam” për herë të parë.
