Fjoralba Ponari ka treguar që prej daljes së saj të parë në ekran që është në një lidhje, por ka preferuar të mbajë private detajet e mëtejshme.
Teksa identiteti i partnerit të saj është zbuluar prej kohësh nga mediat, Fjoralba sërish ka zgjedhur të tregohet e rezervuar dhe të mos publikojë foto me të. Megjithatë, shoqja e saj, Einxhel Shkira, ka “thyer” rregullat e Fjoralbës dhe ka postuar një foto të moderatores me partnerin e saj. Në foton e ëmbël, duket partneri i cili është duke puthur moderatoren, ku duken mjaft të dashuruar.
Lexo edhe:
“Më fal Fjor. E di që asaj nuk i pëlqen të flasë shumë për jetën personale, por më lejoni t’ju them që nëse pas një mashkulli të suksesshëm është një grua e zgjuar, pas një femre të suksesshme duhet patjetër të jetë një mashkull i mirëkuptueshëm, suportues dhe motivues.
Që gëzon për arritjet e tua dhe të lejon të manifestosh dëshirat e tua pa u trembur se mos e humbasësh… apo të ndihet inferior prej suksesit tënd. Ai është telefonata e parë kur ajo merr një lajm të mirë ose të keq. Femrat e forta janë të dashuruara nga meshkuj të fortë,” ka shkruajtur Einxhel krahas fotos.
