Mevlani vendosi mbrëmjen e djeshme në Për’puthen Prime që të ndërpresë njohjen me Efin, pas disa takimesh që kishin pasur me njëri tjetrin.
Efi: Shoh një djalë të interesuar për mua dhe mërzitet për çdo gjë. Nuk dua të kapesh se çfarë kam thënë tek dikush tjetër. Nëse nuk të pëlqen sjellja ime, është e drejta jote të marrësh vendim. Mevlani e di që ka qenë si fëmijë i llastuar që pëlqen t’i shkosh nga mbrapa. Vëmendjen më të madhe ty ta kam dhënë.
Mevlani: : Momentin që shoh dhe kur erdhi Samiu, menjëherë e ke thirr në takim dhe e ke thënë shpesh që nëse të tjerët nuk më mbushin, kam hapësirë për të dalë me të tjerë.
Efi: Nuk ndodhi çfokusimi me ardhjen e Samiut, por me veprimet e çdokujt. Unë nuk jam princeshë, nëse ky është mendimi yt më vjen keq. Në momentin që isha më tepër tek ty dhe Bledi, ka disa gjëra që nuk më kanë pëlqyer. Nuk e dija që Samiu do kthehej. E kam cekur dhe në emision se më ka marrë malli.
Mevlani: : Domethënë nuk je takuar e nuk ke folur asnjëherë?
Efi:Jo.
Mevlani: Ndaç të dhembi, ndaç mos të dhembi, mendoj që po bën lojë, nuk ke asnjë pëlqim ndaj meje. Për të tjerët nuk më intereson se çfarë ke dhe kjo më ka bërë që njohjen tonë ta ndërpresim këtu. Nuk kam qejf të jepem pas një personi që nuk i intereson për mua.
Efi: Ok ti e di, nuk është e vërtetë. Je frikacak.
Mevlani: Jo nuk jam, po ndryshon shumë strategji. Unë të pëlqej shumë sinqerisht, nuk është lojë, nuk është se pëlqimi më ka ikur por nuk dua ta zgjas se e di që do zhgënjehem nga ty.
Pas Mevlanit, Efi është përballur me Bledin, i cili duket se ka qenë i preferuari i vajzave. Megjithatë, ai ka pasur më së shumti takime me Efin, të cilës i ka dedikuar dhe një këngë, të cilën tha se do ta publikojë vetëm në rast se do të deklarohet për të.
Krisjen mes tyre e shkaktoi fakti se Bledi zgjodhi të dilte në takim me Lauretën duke refuzuar Efin. Pas kësaj, pranoi të bënte takimin 4 minutësh me Adën, e cila u rikthye sërish në Për’puthen. Ditën e sotme, ata janë përballur me njëri-tjetrin.
Efi: Ishe shumë i sigurt kur foli Mevlani për punën e Samiut. Mesa duket ke ardhur me tekste se po humbet fjalët. Distancimin, gjuhën tënde të trupit më shpjego.
Bledi: I ke pasur punët me mua dhe ke kërkuar hyrje të reja.
Efi: Nëse do ti kisha pasur punët në rregull, do isha deklaruar. Kam interes për ty, edhe çfarë? Kjo të bën ty më të mirë e më të keqe? Ti nuk i kërkon hyrjet e reja, por i takon. Të kam thënë se kam dyshime për diçka.
Bledi: Ti nuk më ke lejuar të afrohem.
Efi: Mos u justifiko me fjalët e mia. Qëndrimi që ke mbajtur me mua, ta kam lejuar por nuk ke dashur vetë.
Bledi: Ti ke thënë afrohu kur ka ndodhur situata me Mevlanin.
Efi: Dua të di, afrimiteti me Lauretën ka 2 rrugë, ose e bëre për inatin tim ose fokusin e ke humbur? Mua nuk më pëlqejnë meshkujt që tërhiqen me vështirësinë e parë.
Bledi: Përderisa Mikela del në prapaskenë dhe thotë për Samiun “kunati”.
Efi: Është shoku i Erionit, ç’lidhje ka me mua.
Bledi: Përderisa Samiu thotë jam 99.99% i sigurt për ty, nuk e ka pas sigurinë kot.
Efi: Samiu është vetëm një justifikim që të iku fokusi.
Bledi: Prej kur ka ardhur Samiu, gjërat janë të mbyllura definitivisht.
