Si çdo javë, “Top Albania Radio” liston trafikon te rrjetet sociale të personazheve të “Big Brother”. Por, teksa shifrat janë shumë të luhatshme, në rrjet flitet shpesh se në fakt, disa prej këtyre ish-banorëve, ndonëse të “harruar” nga publiku dhe ekranet, ende kanë pak më pak se 1 milion ndjekës, me gjasa të blerë.
Në vend të fundit renditet Efi Dhedhes. Së fundmi, ajo nuk ka qenë shumë aktive, por më herët ka reaguar ashpër përmes disa videove të publikuara në rrjetet sociale, ku iu ka kërkuar të gjithëve që të ndalen së përfoluri marrëdhënien e saj, pasi po e dëmtojnë shumë. Efi ka humbur sërish 1 mijë ndjekës. Por, ndonëse ka muaj që vetëm humb ndjekës, sërish Efi ka një numër shumë të lartë ndjekësish, që vështirë se një personazh tjetër mund t’i bëjë në aq pak kohë sa ajo është e njohur në ekran.
Jori Delli ka qenë pa diskutim një nga personazhet më të përfolur të “BBV 2” edhe pse qëndrimi i saj si banore në shtëpinë më të famshme në Shqipëri zgjati shumë pak. Tashmë, ajo po shijon romancën e saj me reperin italian Fred De Palma. Jori ka humbur 1 mijë ndjekës dhe numëron 528K.
Lexo edhe:
Kujtojmë se kur ajo u fut në “Big Brother”, në vendin tonë ishte thuajse e panjohur dhe numëronte rreth 40 mijë ndjekës, sot pas gati 6 muajsh, ajo ka më shumë se 10-fishi i asaj që kishte më herët, duke ngritur dyshimet se edhe Jori ka një numër të madh ndjekësish të blerë.
Armaldo Kllogjeri renditet në vend të tetë për këtë javë. Këtë herë ai nuk ka ndryshuar në numrin e ndjekësve dhe numëron sërish 121K.
Dea Mishel ka qenë në vëmendjen e publikut edhe pas daljes së saj nga shtëpia e “BBV” si një nga finalistet e edicionit të dytë. Si blogere Dea është shumë aktive me postimet e saj në rrjete sociale, duke treguar shumë nga jeta e saj e përditshme. Dea nuk ka ndryshuar në numrin e ndjekësve këtë javë.
Keisi Medini nuk ka qenë mjaft aktive në rrjetet e saj sociale apo me projekte të reja kohët e fundit. Këtë javë ajo po ashtu nuk ka ndryshuar në numrin e ndjekësve.
Në vend të pestë për këtë javë është këngëtarja Nita Latifi. Ajo ka fituar 1 mijë ndjekës, nga 139K tashmë ka 140K. Duke marrë parasysh se Nita është harruar plotësisht nga televizionet dhe mediat e shkruara për këtë pjesëmarrje në “Big Brother”, mendohet se edhe ajo ka një pjesë ndjekësish të blerë.
Vendi i katërt për këtë javë shkon për Ronaldo Sharkën duke fituar 1 mijë ndjekës dhe tashmë numëron 208K. Para dy javësh, ai u eliminua nga “Dancing With The Stars”, duke e përfunduar kështu rrugëtimin e tij. Ronaldo ka qenë një ndër personazhet që e ka nisur këtë rrugëtim me shumë pak ndjekës, duke pasur një rritje të madhe në pak kohë.
Sukses ky që natyrisht nuk u përkthye me pjesëmarrjen e tij në Big Brother, që mbaroi herët. Ndaj shifra kaq e madhe në Instagram, ka dyshime se në fakt një pjesë është e blerë nga vetë gazetari.
Olta Gixhari në ndryshim nga java e kaluar ku ishte me humbje, këtë herë ajo ka fituar 1 mijë ndjekës më shumë. Momentalisht, Olta është në rolin e një prej anëtareve të jurisë në “Dancin With The Stars”, por duket se shpesh nuk komentohet shumë mirë roli i saj në këtë panel nga ndjekësit.
Teksa javën e kaluar ishte në vend të parë, këtë herë Kiara Tito ka rënë me një pozicion. Ajo ka shtuar 2 mijë ndjekës në llogarinë e saj zyrtare dhe tashmë numëron 778K. Kohët e fundit, vazhdon të përflitet goxha në rrjet se ajo është në pritje të ëmbël dhe madje disa burime kanë konfirmuar se fëmija që do të vijë në jetë është vajzë.
Luiz Ejlli ka fituar 6 mijë ndjekës më shumë në “Instagram” dhe numëron 620K. Një rritje kjo që kishte kohë që mungonte prej Luizin, ku tashmë fansat e tij prej kohësh e kanë mbështetur në rrjetet sociale, duke e ndjekur. Nuk dihet se çfarë ka ndodhur me të për këto 6 mijë ndjekës më shumë, apo thjesht edhe Luizi ka vendosur që të rrumbullakosë shifrën, duke e çuar në 620K dhe i ka blerë këto 6 mijë ndjekës.
