Sot më 8 Mars, disa nga vajzat e ekranit shqiptar kanë zgjedhur që me ndjekësit e tyre në rrjetet sociale të ndajnë lajmet më të bukura. Ato kanë zbuluar se janë në pritje të ëmbël.
Moderatorja e njohur Dojna Mema, modelja Kristina Bakiu dhe ish-konkurrentja e “Love Story”, Engjëll Lengo, postuan në “Instagram” fotot e videot më të ëmbla.
Vajzat bukuroshe nuk ngurruan që në Ditën Ndërkombëtare të Gruas të tregonin se do bëhen nëna, e madje të zbulonin edhe barkun e rrumbullakosur.
Kristina ndau 3 foto me barkun e rrumbullakosur dhe tregoi se është në javën e 30 të shtatzënisë.
Nga ana tjetër, Engjëll publikoi foto krah partnerit të saj, këngëtarit Vani Gjuzi, duke treguar dhe barkun me fustanin e zi të ngushtë.
Ndërsa Dojna postoi një video në natyrë ku tregonte barkun dhe shkruante fjalë emocionuese: “Fjalet s’me mungojne kurre, por qe te pershkruaj ate qe ndiej tani, do te me duhej ti krijoja. Ndaj po te le ty mam te flasesh, me rrahjet e zemres sate”.
