Forcat zjarrfikëse kanë bërë të mundur nxjerrjen e trupit të Arjan Salës, rojes së sigurimit së qendres tregtare e cila ishte në pushtetin e flakëve për tre ditë me radhë.
Forcat zjarrfikëse e kanë gjetur trupin e punonjësin e sigurisë Arjan Sala rreth orës 01:40 minuta të mëngjesit të sotëm.
Ka qenë xhaxhai i viktimës ai i cili ka identifikuar trupin e nipit të tij, megjithatë trupi është dërguar në morgun e Tiranës ku do të kryhet edhe një ekspertizë e thelluar.
Lexo edhe:
33-vjeçari ishte me detyrë përgjegjës i punonjësve të shërbimit të sigurisë të një kompanie private.
Të mërkurën rreth orës 15:40 është njoftuar nga kolegët e tij se kishte rënë zjarr në magazinën ku punonte. Sipas dëshmive, ai menjëherë ka marrë një bombol që shërben për fikjen e zjarrit dhe ka hyrë në magazinë duke nxjerrë çdo punëtor.
Në momentet e fundit teksa përpiqej të shuante flakët, 33-vjeçari nuk ka mundur të dalë në kohë, duke humbur kështu edhe jetën.
