Lufta fillon tani”, tha Trupa e Gardës Revolucionare Islamike (IRGC), dega kryesore e ushtrisë së Teheranit, pasi forcat amerikane goditën tre centrale bërthamore në Iran, sipas Çresidentit të SHBA-së Donald Trump.
Trump tha se një “ngarkesë e plotë bombash u hodh” në centralet bërthamore Fordow, Natanz dhe Esfahan.
“Urime luftëtarëve tanë të mëdhenj amerikanë”, tha Trump, duke shtuar se tani është “koha për paqe”.
Lexo edhe:
Duke iu drejtuar kombit në Shtëpinë e Bardhë pas sulmit, Trump tha se Irani “tani duhet të bëjë paqe” dhe se “nëse nuk e bën, sulmet e ardhshme do të jenë shumë më të mëdha”.
“Do të ketë ose paqe ose tragjedi për Iranin”, tha ai.
“Mbani mend, kanë mbetur shumë objektiva. Sonte ishte më e vështira nga të gjitha deri më tani, dhe ndoshta më vdekjeprurësja.”
“Nëse paqja nuk vjen shpejt, ne do të shkojmë në ato objektiva të tjera me precizion, shpejtësi dhe aftësi”, vazhdoi Trump.
Nga ana tjetër, ligjvënësi më i lartë republikan amerikan Lindsey Graham tha se Trump “bëri vendimin e duhur”, shkruan euronews, përcjell Telegrafi.
“Regjimi i Teheranit e meritonte”, tha senatori i lartë amerikan nga Karolina e Jugut.
“Bravo, president”, tha Graham.
“Për bashkëqytetarët e mi: Ne kemi Forcën Ajrore më të mirë në botë. Më bën shumë krenar.”
Udhëheqësi më i lartë demokrat Hakeem Jeffries tha se Trump e ka “mashtruar vendin”, megjithatë.
“Donald Trump premtoi të sillte paqe në Lindjen e Mesme. Ai nuk e ka përmbushur këtë premtim. Rreziku i luftës tani është rritur në mënyrë dramatike dhe unë lutem për sigurinë e trupave tona në rajon që janë vënë në rrezik”, tha Jeffrey në një deklaratë.
Ndryshe, SHBA ka midis 40,000 dhe 50,000 trupa të stacionuara në rajon, të cilat pritet të vihen në gatishmëri të lartë pas sulmeve.
IRGC u përgjigj duke thënë se kjo ka përshkallëzuar më tej atë që ka qenë një shkëmbim sulmesh me raketa dhe dronë nga Irani dhe Izraeli që nga e premtja e kaluar, duke u përshkallëzuar tani përtej konfliktit në një luftë të plotë në Lindjen e Mesme.
Ndërkohë, Ministria e Mbrojtjes e Izraelit tha se e ka ngritur gjendjen e saj të gatishmërisë edhe më tej, duke anuluar të gjitha “aktivitetet edukative, tubimet dhe vendet e punës, përveç sektorëve thelbësorë”.
Raportohet se vendimi i Trumpit për të përfshirë drejtpërdrejt SHBA-në vjen pas më shumë se një jave sulmesh nga Izraeli ndaj Iranit që synonin të zhduknin sistematikisht mbrojtjen ajrore të vendit dhe aftësitë ushtarake sulmuese, duke dëmtuar njëkohësisht objektet e tij të pasurimit bërthamor.
